Benvidas e benvidos ao curso 2026/27
Unha mensaxe da xunta directiva para comezar o curso con forza e convidar a todas as familias a participar.
Queridas familias:
Comezamos un novo curso e queremos darvos a benvida, especialmente ás familias que chegan por primeira vez á Anexa. A ANPA somos nais e pais coma vós, que cremos que a educación dos nosos fillos e fillas é cousa de todos: da escola, da casa e da comunidade.
Este ano seguiremos organizando as festas de sempre, a Escola de Familias e as actividades que fan do colexio un lugar onde dá gusto estar. Pero precisamos de vós: unha hora ao trimestre, unha idea ou simplemente vir ás festas xa suma moito.
Nesta web publicaremos todos os avisos. Gardádea nos favoritos!
Un abrazo, A xunta directiva da ANPA Anexa
